Luke Chapter 6 — Bible Quiz in Malayalam ലൂക്കാ 6-ആം അദ്ധ്യായം ക്വിസ് ചോദ്യങ്ങൾ

യേശുവിന്റെ ശിഷ്യന്മാർ എന്തിന്റെ കതിരുകളാണ് പറിച്ചു തിന്നത്?

യേശുവിന്റെ ശിഷ്യന്മാർക്ക് കതിരുകൾ പറിച്ചുതിന്നത് ഏത് സ്ഥലത്ത് കൂടി കടന്നു പോയപ്പോഴാണ്?

യേശുവിന്റെ ശിഷ്യന്മാർ ഗോതമ്പു വയലിലൂടെ കടന്നുപോകുമ്പോൾ കതിരുകൾ പറിച്ചുതിന്ന ദിവസത്തിന് പ്രത്യേകത എന്തായിരുന്നു?

തനിക്ക് വിശന്നപ്പോൾ പുരോഹിതന്മാർക്ക് അല്ലാതെ മറ്റാർക്കും ഭക്ഷിക്കാൻ അനുവാദമില്ലാത്ത കാഴ്ചയപ്പമെടുത്ത് ഭക്ഷിക്കുകയും കൂടെയുണ്ടായിരുന്നവർക്ക് കൊടുക്കുകയും ചെയ്തതാര്?

പുരോഹിതന്മാർക്ക് അല്ലാതെ മറ്റാർക്കും ഭക്ഷിക്കുവാൻ അനുവാദം ഇല്ലാതിരുന്നതും എന്നാൽ ദാവീദും അനുചരന്മാരും തങ്ങൾക്ക് വിശന്നപ്പോൾ ഭക്ഷിച്ചതുമായ അപ്പത്തിന്റെ പേരെന്ത്?

ദാവീദും അനുചരന്മാരും വിശന്നപ്പോൾ പുരോഹിതന്മാർക്ക് അല്ലാതെ മറ്റാർക്കും ഭക്ഷിക്കാൻ അനുവാദം ഇല്ലാതിരുന്ന കാഴ്ചയപ്പം എവിടെ നിന്നാണ് ഭക്ഷിച്ചത്?

ആർക്കു മാത്രമാണ് കാഴ്ചയപ്പം ഭക്ഷിക്കുവാൻ അനുവാദം ഉള്ളത്?

പൂരിപ്പിക്കുക: മനുഷ്യപുത്രൻ------------------------കർത്താവാണ്.

ആര് ആരോട് പറഞ്ഞു: മനുഷ്യ പുത്രൻ സാബത്തിന്റെയും കർത്താവാണ്?

വിശുദ്ധ ലൂക്കായുടെ സുവിശേഷത്തിൽ യേശു സാബത്തിൽ സുഖപ്പെടുത്തിയ വ്യക്തിയുടെ രോഗം എന്തായിരുന്നു?

യേശു ഒരു സാബത്തിൽ വലതുകൈ ശോഷിച്ചവന്റെ രോഗം സുഖമാക്കിയത് എന്ത് ചെയ്തുകൊണ്ടിരുന്നപ്പോഴാണ്?

യേശുവിന്റെ മേൽ കുറ്റമാരോപിക്കാൻ പഴുതു നോക്കിക്കൊണ്ടിരുന്നത് ആര്?

കൈ ശോഷിച്ചവനെ സുഖപ്പെടുത്തിയ അവസരത്തിൽ നിയമജ്ഞരുടെയും ഫരിസേയരുടെയും വിചാരങ്ങൾ മനസ്സിലാക്കിയ യേശു കൈ ശോഷിച്ചവനോട് എന്താണ് പറഞ്ഞത്?

വലതു കൈ ശോഷിച്ചവനോട് 'കൈ നീട്ടുക' എന്ന് യേശു പറഞ്ഞത് ആരുടെ നേരെ നോക്കിക്കൊണ്ടാണ്?

യേശു സാബത്തിൽ കൈ ശോഷിച്ചവനെ സുഖപ്പെടുത്തിയതിൽ രോഷാകുലരായ നിയമജ്ഞരും ഫരിസേയരും പരസ്പരം ആലോചിച്ചത് എന്ത്?

യേശു ശിഷ്യന്മാരെ തിരഞ്ഞെടുക്കുന്നതിന് മുമ്പുള്ള രാത്രി എങ്ങനെ എവിടെ ചെലവഴിച്ചു എന്നാണ് ലൂക്കാ സുവിശേഷകൻ എഴുതുന്നത്?

ശിഷ്യന്മാരിൽ നിന്ന് പ്രത്യേകം തിരഞ്ഞെടുത്ത 12 പേർക്ക് യേശു നൽകിയ പേരെന്ത്?

ശിമയോന് പത്രോസ് എന്ന പേര് നൽകിയത് ആര്?

അപ്പസ്തോലനായ പത്രോസിന്റെ സഹോദരന്റെ പേര്?

വിശുദ്ധ ലൂക്കായുടെ അപ്പസ്തോല ലിസ്റ്റിൽ ഹെൽപ്പയുടെ പുത്രനായ ശിഷ്യന്റെ പേരെന്ത്?